مجھے آئر لینڈ میں میڈیکل کا امتحان دینا تھا. امتحان فیس 309 ڈالر تھی۔ میرے پاس کھلی رقم (ریزگاری) نہیں تھی۔۔۔ اس لیے میں نے 310 ڈالر ادا کر دیئے۔ اہم بات یہ ہے کہ میں امتحان میں بیٹھاء امتحان بھی دے دیا اور کچھ وقت گزرنے کے بعد سوڈان واپس آگیا۔ ایک دن اچانک آئرلینڈ سے میرے پاس ایک خط آیا. اس خط میں لکھا تھا کہ آپ نے امتحان کی فیس ادا کرتے وقت غلطی سے 309 کی جگہ 310 ڈالر جمع کر دیئے تھے۔ ایک ڈالر کا چیک آپ کو بھیجا جا رہا ہے، کیوں کہ ہم اپنے حق سے زیادہ نہیں لیتے۔۔ حالانکہ یہ بات وہ بھی جانتے تھے کہ لفافے اور ٹکٹ پر ایک ڈالر سے زیادہ فرق ہوئے ہوں گے۔۔ دوسرا واقعہ میں کالج اور اپنی رہائش کے درمیان جس راستے سے گزرتا تھا۔ اس راستے میں ایک عورت کی دوکان تھی جس سے میں 18 پینس میں کاکاو کا ایک ڈبہ خریدتا تھا۔۔۔ ایک دن دیکھا کہ اس نے اس کاکاو کا ایک ڈبہ اور رکھا ہے جس پر قیمت 20 پیس لکھی ہوئی ہے مجھے حیرت ہوئی اور اس سے پوچھا کہ کیا دونوں ڈبوں کی نوعیت (کوالٹی) میں کچھ فرق ہے کیا؟ اس نے کیا: نہیں، دونوں کی کوالٹی یکساں ہے۔۔۔ میں نے پوچھا کہ پھر قیمت کا یہ فرق کیوں؟ اس نے جواب دیا کہ نائجیریا، جہاں سے یہ کاکاو ہمارے ملک میں آتا ہے، اس کے ساتھ کچھ مسائل پیدا ہو گئے جس کی وجہ قیمت میں اچھال آگیا ہے۔ زیادہ قیمت والا مال نیا ہے، اس لئے اسے ہم 20 کا بیچ رہے ہیں اور کم قیمت والا پہلے کا ہے اس لئے اسے 18 کا بیچ رہے ہیں میں نے کہا، پھر تو 18 والا ہی خریدی میں نے کہا کہ سب 18 والا ہی پہلے خریدیں گے جب تک کہ یہ ختم نہ ہو جائے؟ 20 والا تو اس کے بعد ہی کوئی خریدے گا۔ اس نے کہا: ہاں۔ یہ مجھے معلوم ہے، میں نے کہا کہ دونوں ڈبوں کو مکس کر دو اور 20 کا ہی بیچو کسی کے لیے قیمت کا یہ فرق جاننا مشکل ہوگا۔۔۔ اس نے میرے کان میں پھسپھساتے ہوئے کہا : کیا تم کوئی لٹیرے ہو؟ مجھے اس کا یہ جواب عجیب لگا اور میں آگے بڑھ گیا لیکن میرے کانوں میں گونج رہا ہے کہ کیا میں کوئی لٹیرا ہوں؟ یہ کون سا اخلاق ہے؟ دراصل یہ ہمارا اخلاق ہونا چاہیے تھا یہ ہمارے دین کا اخلاق ہے یہ وہ اخلاق ہے جو ہمارے پیارے نبی صلی اللہ علیہ وسلم نے ہمیں سکھایا تھا، لیکن۔۔ اپنی ایمانداری سے بتائیں کیا ہم لٹیرے نہیں؟ جگاڑ میں حلال و حرام کو ایک ہی گاڑی سے روند تے چلے جاتے ہیں۔
یہ پوسٹ آپ کو کیسی لگی۔ فیس بک کے کمنٹ میں اپنی قیمتی رائے سے ضرور آگاہ کیجیئے گا۔
